Die Melktert Kommissie

Die crackers skiet buite
Dit klink soos gewere
Daar's oorlog in my siel
Oor historiese gebeure

Ek dink al die hele week
En analiseer
Oor wat ek vir jou moet sê
En wat ek sou wou hê moet gebeur

Jy pak jou tassie vol gevoelens
Jy pak jou tassie vol moed
En jy ry weer môre Kaap se kant toe
Ek wonder of ek jou sal mag groet

Ek wens jy kon Scrabble speel met die woorde in my mind
Sodat jy sinne kan maak wat jy verstaanbaar sal find
Ek wens ek kon my drome in 'n kers uitkerf
Dat jy dit kan aansteek en alles laat werk

Jy pak jou tassie vol gevoelens
Jy pak jou tassie vol moed
En jy ry weer môre Kaap se kant toe
Ek wonder of ek jou sal mag groet

My sintue weet jy's oral om my
Jou silhouette teen my mure
Jou reuk in my trui
Jou naam dans in elke klankgolf rond
En ek proe jou soet woorde weer in my mond

Ek hoor jou saam met die winde huil
En voel jou trane in die reën
Ek hoor jou hart in die branders breek
En wens ek kon vir jou net een sunset gee

Jy pak jou tassie vol gevoelens
Jy pak jou tassie vol moed
En jy ry weer môre Kaap se kant toe
Ek wonder of ek jou sal mag groet

Marius

Submitted by Marius at Sat 26 Dec, 2015 11:13 am

Author: ?
Composer: ?
Publisher: ?
Language: Afrikaans

Reactions

CommonCrawl [Bot]

Follow Muzikum