Vol mèt goud gelaoje

Vol mèt goud gelaoje zien veer us trök in Mestreech
Vol mèt goud gelaoje doen veer us verhaol
Vaar mèt us Mèt!!
Veuraon op de reys steit de menu, zoonder zie höbbe veer gein ete
Zoonder ete zien veer niks weerd

‘t Ete oet de zie……

Veuraon op de menu steit haaje-vinne-sòp
De start zit daan debeij en dèks ouch de kop
De belkes zien de ouge, de kluive zien de tan
En moch get euverzien, dat geit in de pan
‘t Ete oet de zie, dat is nog neet zoe slech
Alles smaak hiel good, niks goeje veer eweg
E gräödsje minder of mie, bedörref neet de lol
Jao veer sjranse door, al smaak ‘t nao petrol

Veer hove neet te zeuke, veer jaoge mèt ‘n nèt
‘t is de bèste keuke, veer weure lekker vèt
‘t Ete oet de zie, dat is nog neet zoe slech
Alles smaak hiel good, niks goeje veer eweg
Vaan mals ziepeerde vleis make veer regoe
‘t Binde vaan die sajs, is ‘n gans gedoe
Mèt levertraon en kwalle, daan weurt ze lekker stief
De smaak vaan dee regoe geit door gans ‘t lief


(c) Jos van Herpen