Age Van Der Velde
k dreum mie riek

k Dou mit aan n grode lötterij
En k lig al op mien bèr
As Hennie Hoesman veur deure staait
En zegt: "joe binnen miljonair"
k Wor doezelg en mizzelk tougelieks
t Is nait te geleuven
Zo gain rempel en din in ainen
Heb ik n miljoun of zeuven

Mor din wor k wakker, boadend in t swait
k Lig noast bèrre op de grond
k Heb nog noeit zo ruier dreumd
Mien kop dij tolt in t rond

k Kocht mie n schier hoes veur n tun of negen
Mit tien bunder laand der bie
Duroabel peerd heb k op peerstaal stoan
Woar k òf en tou op rie
Chauffeur en n toenman heb k in dainst
n Maaid woont bie mie in
Bie mie thoes is t aaltied feest
Mit kaviaar, wodka, gin

Mor k zeg tegen miezulf: "bist riek genog
k Huif gain auto mit chauffeur
k Heb n schier hoes mit n lutje hieptaik
En n toentje veur mien deur
Ook n duroabel peerd dat huif ik nait
k Heb al n laive hond
En k lus haildal gain kaviaar
Geef mie mor boneklont"

Mor din wor k wakker van telefoon
Wel kin dat weden, wel is der veur
t Is Hennie Hoesman dij mie zegt:
"Excuus, k was aan verkeerde deur"


Tekst en muziek: Age van der Velde

  • tauzefien

    Submitted by

    tauzefien at Mon 05 Jan, 2004 1:00 am

  • <
Copyrights
Author: ?
Composer: ?
Publisher: ?
Lyrics may be published All lyrics and other info from this band may be published on our site
More details
Language: Dutch
Available on: De Tied Ontvlucht (1998)

Reactions

CommonCrawl [Bot]

Follow Muzikum