Boh Foi Toch

Boh Foi Toch - toone lyrics

Your rating:
Twee dansende strepe in 't duustere zwart
'n Klein kwarteer dan hef e et ehad
'n Rundjen um't karkhof, dan nog de brugge
't Hemd dat plekt m an de rugge
't Blood dat jog 'm deur de kop
Maor Toone geet deur hee gef 't neet op

Ze zeien em lest bi-j wieze van grap:
Zeg Toone, ow boek den hunk te slap
De scholders trekt ow te volle naor benee
En met zonne konte koj neet naor de plee
Hee was hierdeur flink an edaon
Zodat hee alle dage in de rondte mot gaon

Toone Toone maak ow niks te done
I-j loopt ow de zaolen van de schone
't Lief dat kraakt en dut ow zeer
Veur een klein betjen minder mo'j heel volle meer

Hee stuitert langs met vlammen in 't gat
Good veur de longen en good veur 't hart
Glad in 't vel zoas dat heet
Den boek mot weg, da's waor 't um geet
Hee zal zich bewiezen, zeker as wat
Strak in de hoed en strak in 't gat

En elken aovend um een uur of acht
Hef Toone de missie weer mooi volbracht
Et leste stuksken geet deur de stad
De leu mot 'm zeen, wat lop e toch hard
't Geet verdan en t volk zegt: 'Soh
En Toone lop nog altied zienen boek achternao
Get this song at:
bol.com
amazon.com

Copyrights:

Author: ?

Composer: ?

Publisher: Not On Label (Boh Foi Toch Self-released)

Details:

Released in: 1997

Language: Dutch

Appearing on: Boekspek (1997)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found