Boh Foi Toch

Boh Foi Toch - de darde welt lyrics

Your rating:
I-j bunt begaon met de darde welt, 
i-j gaeft ow Gast An Taofel-geld
I-j hebt een Foster Parents-kind, 
zo dankbaor en zo teer bemind

Ow koffie kump uut Tanzania, 
ow bluuskes uut Noord-India
De suker kump van 't sukerriet, 
bewuster laeven geet haost neet

I-j wet van den duvel en den groten hoop, 
veur geld is alles in de welt te koop
Van multinationals we'j alles van, 
't kump toch bloos op macht en centen an

Bi-j ow thuus steet op 't dressoir, 
mooi holtsniewark uut donker Afrika
En een Unicef-kalender, wis, 
dat 't ow echt wel menes is

Maor somstieds schut 't mi-j op 't gemood, 
hoo of i-j laeft, wat of i-j ok doot
De welt draeit immer staoreg deur
De toekomst lik mangs zwart as roet, 
van honger gaot nog altied mensen dood
't Gef bloos elend en malheur

I-j zeet de naobers weet gourmet, 
de boek zich stiepedikke vret
En zommers bi-j den barbecue geet 't ok haeveg der an too

Soms doo'j wal met maor meestal neet, 
umdat 't ow feitelek tegensteet
Dan zet i-j riest en soja op, 
de wereldhandelsconferentie spoekt ow deur de kop

Ik ken der ene dik en vet, 
den dageleks wal dree karbonades et
En een ander holt zich fier en vief 
met kilo's zoerkool in 't lief

A'k al dat welvaartsspek bezee, 
de kinne op den boek, den boek op 't knee
De rollen aover den boksenband, 
dan schaam ik mi-j veur Nederland

De kinder Graolt wat en zee zwiegt,
At zee alweer zo'n armband uut den Wereldwinkel kriegt
Met hotten klaagt zee steen en been, 
wilt zee O'Neil en Nikes as iedereen

Toch gao'j maor deur en hol i-j vol, 
verslaafd a'j bunt an ow veurtrekkersrol
I-j veult ow staon in 't scharnier der tied, 
al zee'j de bettere welt nog lange neet

Dan wo'k weemeudeg en kroep stille weg, 
te volle weurde bunt der al ezeg
Ik wet neet meer wa'k denken mot, 
ik heb jo wal idee van good of slech
Ik ken 't verschil wal tussen krom en recht, 
maor 't geveul lop met mien vot

Tekst en muziek: Keuper
Get this song at:
bol.com
amazon.com

Copyrights:

Author: ?

Composer: ?

Publisher: Not On Label (Boh Foi Toch Self-released)

Details:

Released in: 1993

Language: Dutch

Appearing on: Veur Pauwen En Poeten (1993)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found