Un gevvelteekn an de waand
Un skilderie van Tweantelaand
Zon skilderie met golvend koorn
Ne knots van nen mirreweenterhoorn
En in n tuun ne Tweantse put
Zoo woon ik in Connecticut

Nen tegen met ne Tweantse spreuk
Den vun de vrouw toch aait zo leuk
Ne kips dee van nen boer hef wes
En op de kas ne böggelfles
Dee an n kroegjen deankn döt
Zoo leaf ik in Connecticut

Ne knipmusse met glas der veur
Nen kloomp teagn de boetndeur
Un bord met “Hier kö ‘w Tweants verstoan”
Maer t geg gineen Amerikaan
Den van dat alns wat hebn mut
t Is eenzaam in Connecticut